بين الحق والباطل

* تمشى الباطل يوما مع الحق :
فقال الباطل : أنا أعلى منك رأسا .
قال الحق : أنا أثبت منك قدما .
قال الباطل : أنا أقوى منك .
قال الحق : أنا أبقى منك .
قال الباطل : أنا معى الأقوياء والمترفين .
قال الحق : " وكذلك جعلنا فى كل قرية أكابر مجرميها ليمكروا فيها وما يمكرون إلا بأنفسهم وما يشعرون " .
قال الباطل : أستطيع أن أقتلك الآن .
قال الحق : ولكن أولادى سيقتلونك ولو بعد حين .
*عارفين الحوار ده بيفكرنى بإيه ، بفلسطين وإسرائيل ، لما إسرائيل هاجرت فلسطين واحتلتها ومن ساعتها والحرب شغالة مابينهم .
ونبتدى مع بعض من الاول "تمشى الباطل يوما مع الحق "
فقال الباطل : أنا أعلى منك رأسا .
إسرائيل طبعا لما هاجرت فلسطين وبدأت شيئا فشيئا حتى استولت على معظم الأراضى الفلسطينية ، وإسرائيل فاكرة إن فلسطين دى وطنها الحقيقى وإن الفلسطينيين هما اللى عالة عليهم ومغتصبين لأرضهم ، بس هما عارفين ومتأكدين إن فلسطين دى أرض عربية وعلشان كده بيوهموا الناس إنهم بيدافعوا عن أرضهم .
* قال الحق : أنا أثبت منك قدما .
فلسطين بترد عليها وبتقولها إذا كنت انتى احتلتينا من كام سنة بس وبتقولى إن فلسطين وطنك الحقيقى ، فاحنا هنا من قديم الأزل بتاريخنا وحضارتنا ودينا ، احنا أساس الأرض دى مهما تقولوا .
قال الباطل : أنا أقوى منك .
قال الحق : أنا أبقى منك .
طبعا إسرائيل فاكرة نفسها دولة قوية علشان يعنى أمريكا والدول الأوروبية اللى واقفين معاها ، علشان كده هى طايحة فى الكل .
وهنا طبعا فلسطين أقوى من إسرائيل بغض النظر عن ما تملكه إسرائيل من أسلحة ومعدات ، فلسطين كانت وستظل دائما دولة عربية .
* قال الباطل : أنا معى الأقوياء والمترفون .
برده إسرائيل بتجادل بالضعفاء اللى معاها اللى هى فاكراهم أقوياء ، مش عارفة ان احنا مهما ظهر علينا من ضعف فنحن الأقوى بجذورنا وعروبتنا وستظهر قوتنا ان شاء الله .
* قال الحق :"وكذلك جعلنا فى كل قرية أكابر مجرميها ليمكروا فيها ومايمكرون إلا بأنفسهم وما يشعرون " .
فلسطين بتقول لإسرائيل هو انتى فاكرة ان باللى انتى بتعمليه ده فينا من قتل وحرق وتشرد ممكن تقضى علينا ، بالعكس انتى بتقضى على نفسك قبل ماتقضى علينا ومن حفر حفرة لأخيه وقع فيها ،يعنى ان شاء الله إسرائيل هى اللى هتقع فى الحفرة (ماتخافوش ) .
قال الباطل :أستطيع ان اقتلك الآن .
قال الحق : ولكن أولادى سيقتلونك بعد حين .
من زمان وإسرائيل فاكرة اانها بمسلسل الحرب اللى هى عاملاه إنها خلاص قربت تقضى على الفلسطينيين وكل مايقولوا كده تظهر ناس جديدة تقاومهم ، مش عارفين إن مافيش فايدة وإن لا محالة من مصيرهم .
ومن هنا الحياة بتعلمنا إن الباطل مهما كان قوى فى الظاهر فهو فى الباطن أضعف مايكون .

google_protectAndRun("render_ads.js::google_render_ad", google_handleError, google_render_ad);

google_protectAndRun("ads_core.google_render_ad", google_handleError, google_render_ad);