مميزات العزوبية عند البنات

بسم الله الرحمن الرحيم
طبعا البنات مافيش مشكلة بتشغلهم زى مشكلة العنوسة ، مش عارفين ان زى مالعنوسة ليها عيوب فهى ليها مميزات كمان ، هى صحيح مميزات تضّحك شوية بس احنا ورانا ايه اهى حاجة تطلعنا شوية من اللى احنا فيه .
نبتدى بقى نقول المميزات مع بعض :_
أولا : _
تنامى براحتك خالص من غير اى ازعاج وطبعا هتاخدى السرير والغطا كله لوحدك .
لكن لو متزجة هتصحى من النوم تلاقى الغطا اختفى مع البنى ادم اللى جنبك .
ثانيا :_
هتعيشى حياتك وتعملى كل حاجة نفسك فيها من غير ماتكونى متحملة مسؤولية حد.
ثالثا : _
ريموت التليفزيون وده اهم حاجة ، طبعا مش هتلاقى حد
يغتت عليكى ويقلب البيت استاد القاهرة
وخاصة بقى اذا ماكنتيش بتحبى الكرة ياحرام
( يعنى ريموتك ليكى لوحدك وهيصى مع بقى وع نفسك ).
رابعا:_
مش هتصحى بدرى علشان تجهزى فطار لسى السيد اللى فى البيت علشان خاطر شغل سيادته .
خامسا:_
هتشترى اى حاجة نفسك فيها من غير ماتلاقى عبارات
التأنيب نزلت على دماغك زى المطر :
انتى انسانة مبذرة ، ده مالوش لازمةياست هانم
فى حاجات اهم من كده يا أم العيال .
سادسا : _
مش هتشيلى مسؤولية بيت انسان تانى ، وتشيلى مسؤولية بيته ليه ؟
هو كان من بقية عيلتك ؟