احنا بنعمل فى نفسنا كده ليه؟

لا بجد احنا بنعمل فى نفسنا كده ليه ؟
يعنى نحب حد وفى نفس الوقت ندوس على قلبه ونألمه
نحلم بس للأسف بنضيع أحلامنا بأيدينا ، طيب إزاى نقدر نعيش وغيرنا مش لاقى ياكل
أزاى نقدر نفرح وإحنا شايفين الدموع حوالينا فى كل مكان
للأسف فى ناس بتقدر تعيش وتستمتع بدون أى نظرة لغيرها ،مش عارفة ازاى بس بيقدروا
ياترى هو العيب فينا وللا فى اللى حوالينا ، ولو كان فينا ايه الحل؟ ، ولو كان فى اللى حوالينا ايه الحل؟
طيب يحصل ايه لو صحينا فى يوم ولقينا نفسنا بنخاف على بعض وبنحب بعض قوى لا وبنفضل مصلحة غيرنا على مصلحتنا ، بذمتكم مش الدنيا كده هتبقى أحلى ، لما تحس ان انت مهما حصلّك هتلاقى حد يقف جنبك ويساندك ، وانك مش لوحدك فى الدنيا دى
وده طبعا فى أحلامنا علشان الكلام ده بيتهيألى فى المدينة الفاضلة وبس مش فى زمانا ده علشان كده هرجع واقولكم ، إحنا بنعمل فى نفسنا كده ليه ؟

عندك حق ليس فى حياة البشر
not in a human live